როგორ მიხვდე, რომ კარგი ბიზნეს იდეა გაქვს ?

როგორ მიხვდე, რომ კარგი ბიზნეს იდეა გაქვს?

ბიზნეს იდეის შეფასებისას ერთ-ერთი მთავარი შეცდომა ემოციაზე დაყრდნობაა. რეალურად კი, თითქმის ყველა წარმატებული ბიზნესი ჯდება რისკისა და მოგების 4 ძირითად კატეგორიაში. თუ სწორად განსაზღვრავ, რომელ კატეგორიაში ხვდება შენი იდეა, ბევრად რეალისტურ გადაწყვეტილებას მიიღებ.

1. დაბალი რისკი, დაბალი მოგება -  ჩვეულებრივი ბიზნეს იდეა

ეს არის ყველაზე სტაბილური, მაგრამ შედარებით მცირე მოგების მქონე ბიზნესები.

მაგალითები:

• თვითმომსახურების სამრეცხაოები

• ვენდინგ აპარატები (ყავა, წყალი, სნექები)

ფინანსური სურათი:

• ერთი სამრეცხაო თვეში საშუალოდ მოიტანს 500–1000 ლარს სუფთა მოგებას

• ერთი ვენდინგ აპარატი — დაახლოებით 100–300 ლარს

ვისთვის არის ეს კარგი არჩევანი?დამწყებთათვის, ინვესტორებისთვის, ვისაც სურს სტაბილური შემოსავალი და მინიმალური ჩართულობა.

2. მაღალი რისკი, დაბალი მოგება -  სარისკო ბიზნეს იდეა

ეს კატეგორია ყველაზე პოპულარულია, მაგრამ რეალურად — ყველაზე პრობლემური.

მაგალითები:

• რესტორნები და კაფეები

• პატარა ბუტიკები და მაღაზიები

რეალობა:

• მოგების მარჟა დაბალია

• მაღალი ხარჯები (ქირა, პერსონალი, ინვენტარი)

• სტატისტიკურად, ასეთი ბიზნესების დაახლოებით 60% პირველ 3 წელიწადში იხურება

ეს ხშირად ემოციური გადაწყვეტილებაა და არა ცივი ბიზნეს გათვლა.

3. მაღალი რისკი, მაღალი მოგება -  ძალიან სარისკო და კარგი ბიზნეს იდეა

აქ უკვე დიდი თამაში იწყება.

მაგალითები:

• ტექნოლოგიური სტარტაპები

• კრიპტო პროექტები

• ტრენდული აპლიკაციები

პოტენციალი:

• შესაძლებელია ბიზნესი მილიარდ დოლარამდე გაიზარდოს

მაგრამ…

• სტარტაპების 90% ვერ გადარჩება

• მაღალია კაპიტალის სრულად დაკარგვის რისკი

ამიტომაც ეძახიან წარმატებულებს „უნიკორნებს“ — ისინი იშვიათია.

4. დაბალი რისკი, მაღალი მოგება — ყველაზე ძლიერი კატეგორია -  კარგი ბიზნეს იდეა

აქ თამაშობენ რეალური გამარჯვებულები.

მაგალითები:

• რკინა და მეტალოპლასტმასის წარმოება

• სანტექნიკა და გათბობის სისტემები

• ჰიდროიზოლაცია

• სამშენებლო და ინფრასტრუქტურული სერვისები

რატომ მუშაობს ეს ბიზნესები ასე კარგად?

• მუდმივი მოთხოვნა

• რეალური პრობლემა, რომელსაც აგვარებენ

• ნაკლები „ტრენდის“ დამოკიდებულება

ფინანსური მაჩვენებლები:

• საშუალო ბიზნესებიც კი ხშირად აკეთებენ წლიურად მილიონ დოლარზე მეტს

• მოგების მარჟა — 40–80%

მართვა მარტივი არ არის, მაგრამ სწორად აწყობის შემთხვევაში შედეგი ძალიან მასშტაბურია.

კარგი ბიზნეს იდეა არ ნიშნავს „მოდურს“ ან „საინტერესოს“.

ხშირად ყველაზე მომგებიანი მიმართულებები მოსაწყენად ჟღერს, მაგრამ სწორედ მანდ არის ფული.